ក្រោយព្រះមហាក្សត្រប្រោសព្រះរាជទានលើកលែងទោស ព្រះរាជអាជ្ញារាជធានីភ្នំពេញចេញដីកាបញ្ឈប់ចាប់ខ្លួនលោក គង់ សភា
រាជធានីភ្នំពេញ៖ នៅថ្ងៃទី២៥ ខែមេសា ឆ្នាំ២០២៤នេះ លោក ច្រឹង ខ្មៅ ព្រះរាជអាជ្ញានៃអយ្យការអមសាលាដំបូងរាជធានីភ្នំពេញ បានចេញដីកាបញ្ឈប់ចាប់ខ្លួនលើលោក គង់ សភា ក្រោយអតីតតំណាងរាស្រ្តរូបនេះបានទទួលការប្រោសព្រះរាជទានលើកលែងទោសពីព្រះមហាក្សត្រ តាមរយៈព្រះរាជក្រឹត្យលេខ នស/រកត/០៤២៤/៣៩៦ ចុះថ្ងៃទី២៤ ខែមេសា ឆ្នាំ២០២៤។
នៅក្នុងដីកាបញ្ឈប់ចាប់ខ្លួនរបស់ព្រះរាជអាជ្ញានៃអយ្យការអមសាលាដំបូងរាជធានីភ្នំពេញនេះ មានខ្លឹមសារនៃសេចក្ដីសម្រេចដូចខាងក្រោម៖ "បង្គាប់មកកងកម្លាំងសាធារណៈគ្រប់លំដាប់ថ្នាក់បញ្ឈប់់ការអនុវត្តដីកាបង្គាប់ឱ្យចាប់ខ្លួនលេខ ៦៧២ "គ" ដ.ច.ន ចុះថ្ងៃទី១៤ ខែមិថុនា ឆ្នាំ២០២២ របស់ប្រធានក្រុមប្រឹក្សាជំនុំជម្រះនៃសាលាដំបូងរាជធានីភ្នំពេញ លើទណ្ឌិតឈ្មោះ គង់ សភា ភេទប្រុស កើតថ្ងៃទី២៥ ខែឧសភា ឆ្នាំ១៩៧៥ ជនជាតិខ្មែរ ចាប់ពីពេលនេះតទៅ"៕
